Башкортстанда Фидан Гафаров истәлегенә җыр конкурсына гаризалар кабул ителә
Башкортстанның Театр эшлеклеләре берлеге күренекле артист Фидан Гафаров истәлегенә багышланган «Актерлар җыры – 2026» конкурсына гаризалар кабул итә. Чара актер җыры жанрын үстерүгә ярдәм итүгә, башкаручыларның иҗади потенциалын ачуга һәм останың иҗади мирасына бәйле сәнгать традицияләрен саклауга юнәлдерелгән. Бу хакта «Башинформ» хәбәр итә.
Конкурс программасында ике номинация каралган: профессиональ композиторлар әсәрләрен, халык җырларын яки үзләре иҗат иткән җырларны ялгыз башкару һәм Фидан Гафаров репертуарыннан әсәрләрне ялгыз башкару.
Жюри башкару осталыгын, номерның визуаль эстетикасын, сәхнә культурасын һәм сәнгатьчә бирүнең оригинальлеген исәпкә алачак.
Конкурс 9 ноябрьдә Бәдер Йосыпова исемендәге Актерлар йортында узачак. Гаризалар 26 октябрьгә кадәр кабул ителә.
Конкурс йомгаклары буенча жюри гран-при иясен, шулай ук I, II һәм III урыннар лауреатларын билгеләячәк.