Хәвеф-хәтәр 29 май 2023 19:58

Башкортстанда 6 гектар мәйданда табигый янгынны сүндерү эшләре икенче көн дәвам итә

Скопировать ссылку

Башкортстанның Калтасы районында янгын сүндерүчеләр Куян авылыннан 4-6 чакрым ераклыкта табигый янгынны сүндерә. Торак пункт республиканың Кызыл Кама районына карый. Бу хакта «Башинформ» Башкортстанның Гадәттән тыш хәлләр министрлыгына сылтама белән хәбәр итә.

Янгын сүндерү эшләре кичәге көннән бирле алып барыла. Янгын мәйданы 6 га тәшкил итә. Урман түшәмәсе, камышлар яна, шул ук вакытта биредә сазлыклы урыннар да бар.

Ведомствода хәбәр итүләренчә, янгын сүндерүгә өч бульдозер, өч трактор, алты янгын автоцистернасы, ирекле янгын сүндерү командалары җәлеп ителгән, җирле халык та актив ярдәм итә. Барлыгы 82 кеше, 15 берәмлек техника җәлеп ителде.

Янгын сүндерүгә ярдәмгә республика янгын сүндерү-коткару вертолеты килгән.

Янгын чыккан нокталарны локальләштергән саен көчләр һәм чаралар иң катлаулы участокларга күчерелә. Һәлак булучылар, зыян күрүчеләр юк. Вазгыять контрольдә тотыла, халыкка куркыныч янамый, диелә хәбәрдә.

Сәхифәләр

Башкортстанда 6 гектар мәйданда табигый янгынны сүндерү эшләре икенче көн дәвам итә