Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан Хөкүмәте иң яхшы журналистларга бирелә торган премияне биш тапкыр арттырган
Башкортстан Хөкүмәте республиканың иң яхшы журналистларына ел саен тапшырыла торган Шәһит Ходайбердин исемендәге премиянең күләмен биш тапкыр – 100 меңнән 500 мең сумга кадәр - арттырды. Бу хакта «Башинформ» агентлыгы хәбәр итә.
Хөкүмәтнең шул хактагы карарын төбәк җитәкчесе Радий Хәбиров имзалаган. Документ Башкортстан Республикасы хокукый мәгълүмат интернет-порталында урнаштырылган.
Документ нигезендә, хәзер журналистика өлкәсендә иң яхшы мәкалә язган һәм премиягә лаек булган журналистка «Шәһит Ходайбердин исемендәге Башкортстан Республикасы Хөкүмәте премиясе лауреаты» дигән исем, диплом, күкрәк билгесе һәм 500 мең сум күләмендә акчалата бүләк тапшырыла.
Журналистлар коллективы да шул ук күләмдә акчалата бүләк алачак.
«Әлеге карар 2024 елның 1 гыйнварыннан үз көченә керә», - диелә документта.
«Башинформ» агентлыгы хәбәр иткәнчә, Башкортстан Республикасы Хөкүмәте каршындагы Шәһит Ходайбердин исемендәге премияләр тапшыру комиссиясе хәзер документлар кабул итә. Премия 2022 елның сентябреннән 2023 елның августына кадәр дөнья күргән иң яхшы материаллар өчен журналистларга, шулай ук журналистлар коллективына тапшырыла.
Кандидатлардан материаллар 2023 елның 1 сентябренә кадәр кабул ителә.
Кызыклы яңалыкларны күзәтеп бару өчен Телеграм-каналга язылыгыз