Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан волонтерлары Төркиядә җимерекләр астыннан бер гаиләне коткарган
Башкортстан коткаручылары Төркиядә җимерекләр астыннан өч кешедән торган гаиләне тапкан һәм табибларга тапшырган. Бу хакта РИА Новости агентлыгы республиканың Гадәттән тыш хәлләр буенча дәүләт комитетына сылтама белән хәбәр итә.
«Төркия Республикасында булган коточкыч фаҗигадән соң 6 көн узды, әмма безнең егетләр җимерелгән йортлар астында исән калган кешеләрне коткару өметен җуймый. Һәм менә могҗиза булды! Кичә кич, 11 февральдә, Башкортстан волонтерлары, җимерекләрне аралаган вакытта тавышлар ишетеп, өч кешедән торган гаиләне тапты», - диелә хәбәрдә.
Башта – ир-ат һәм 14 яшьлек баланы, аннары хатын-кызны табып алганнар. Төрек коткаручылар төркеме белән берлектә зыян күрүчеләрне медицина хезмәтләренә тапшырганнар, дип хәбәр итә дәүләт комитеты.
Ведомство мәгълүматлары буенча, хәзер республика коткаручылары Кахраманмарашта – табигый бәла-казадан нык зыян күргән таулы районда эшли. «Җир тетрәүдән соң шактый вакыт узуга да карамастан, исән кешеләрне табу өмете бар әле. Шуңа күрә эшне дәвам итәбез», - ди коткаручылар.
6 февраль иртәсендә Төркиянең көньяк-көнчыгышында 7,7 магнитудалы җир тетрәү булды. Ил Президенты Рәҗәп Тайип Эрдоган ул 1939 елдан бирле иң көчле җир тетрәү булды дип белдерде. Шул ук көнне көндез 7,6 магнитудалы тагын бер җир тетрәү теркәлде. Соңгы мәгълүматлар буенча, 24,6 меңнән артык кеше һәлак булган. Җир асты селкенүләре илнең 10 провинциясендә һәм күрше илләрдә дә (шул исәптән Сүриядә) сизелгән. Сүриядә 1,3 меңнән артык кеше һәлак булган, 2,3 меңнән артыгы зыян күргән.
Кызыклы яңалыкларны күзәтеп бару өчен Телеграм-каналга язылыгыз