Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан белән чикләрне билгеләгәннән соң Башкортстан мәйданын киңәйткән
Башкортстан белән Татарстан арасында чик расланган, документ Башкортстан Республикасы хокукый мәгълүмат рәсми порталында чыкты.
Чикләрне билгеләү буенча республикалар арасында каршылыклар юк, диде Башкортстан Дәүләт Җыелышы - Корылтай спикеры Константин Толкачев. Аның сүзләренчә, чикне билгеләү процессы «шактый катлаулы» булган, 1986-1996 еллардагы картографик материалларны кулланырга туры килгән.
«Төгәлләштерү нәтиҗәсендә Башкортстанның бер генә торак пункты да, бер генә муниципаль берәмлеге дә үлчәме буенча кимемәде. Безнең республиканың чикләре бераз киңәйде дә», - дип китерә Толкачев сүзләрен «Интерфакс».
Башкортстан белән Татарстан арасындагы чикнең гомуми озынлыгы 498,8 км тәшкил итә.Ул урман, сулыклар һәм авыл хуҗалыгы җирләре буйлап уза.
Бүгенге көндә Башкортстан Россиянең күршесендәге алты субъекттан бишесе: Пермь крае, Свердловск, Чиләбе өлкәләре, Татарстан һәм Удмуртия Республикасы белән чикләрне раслады инде, хәзер Росреестр Оренбург өлкәсе белән тиешле килешүне карый, дип яза «Татар-информ».
Кызыклы яңалыкларны күзәтеп бару өчен Телеграм-каналга язылыгыз