Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Башкортстан мәчетләрендә сәдака банкоматлары куйганнар
Башкортстанда мәчетләргә сәдаканы банк карталары белән бирер өчен махсус терминаллар куялар. Бу турыда «Газета.ru» интернет-басмасына республика мөфтие Айнур Биргалин сөйләгән.
«Рамазан ае хөрмәтенә без шундый «сәдакаматлар» урнаштырдык. Бу партия шулай ук ихтыяҗ булган урыннарга җибәреләчәк», - дигән мөфти.
Биргалин билгеләп үткәнчә, банкоматларны инде сынап караганнар һәм сынау нәтиҗәләре кешеләрнең иганә акчасын активрак күчерә башлавын күрсәткән. Өстәвенә, мәчеткә йөрүчеләр дә мондый банкоматларның бик уңайлы булуын әйтә, чөнки бүген күп кеше, NFC функциясеннән файдаланып, банк карточкалары яки телефоннарын түләү терминалына якын китереп кенә акча күчерә.
Әлеге аппаратлар аша 300 сумнан алып 500 мең сумга кадәр акча кертеп була.
«Күпләр ни өчен сәдака 300 сумнан башлана дип сорый. Бу - нәкъ менә бер порция ризык бәясе», - дип аңлатты мөфти.
Кызыклы яңалыкларны күзәтеп бару өчен Телеграм-каналга язылыгыз