Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан Милли симфоник оркестрының Татарстанда гастрольләре тәмамланды
Башкортстан Республикасы Милли симфоник оркестрының Татарстанда гастроль туры тәмамланды. Ул IV Кышкы фестиваль кысаларында узды, өч концерт булды. Бу хакта «Башинформ» хәбәр итә.
«Өч концерт, Бөек композиторлар Скрябин һәм Чайковский музыкасыннан өч көн искитәрлек хис-кичерешләр һәм өч матур, дустанә шәһәр - Әлмәт, Чаллы һәм Түбән Кама. Татарстанның тугры тыңлаучыларына җылы кабул итүләре, алкышлары өчен рәхмәт белдерәм!» - дип язды Милли симфоник оркестрның генераль директоры, Башкортстанның халык артисты Артур Назиуллин Телеграм-каналында.
Искәртик, Башкортстан Милли симфоник оркестрының IV Кышкы фестивале 1-22 декабрьдә уза. Быел ул бөек рус композиторы Александр Скрябинның 150 еллыгына багышланган. Бу юлы фестиваль 10 концертны берләштерә, шуларның өчесе Башкортстан шәһәрләрендә (Күмертау, Бөре һәм Ишембай), Уфада дүрт концерт була һәм Татарстан шәһәрләрендә өч гастроль концерты узды.
Кызыклы яңалыкларны күзәтеп бару өчен Телеграм-каналга язылыгыз