Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бәшир Рәмиев исемендәге ИТ-паркта «Станция Мир» музыка фестиваленең икенче сезоны узачак
30 апрель көнне Бәшир Рәмиев исемендәге ИТ-паркта аудиовизуаль шоу форматындагы «Станция Мир» музыка фестивале үтәчәк. Башлана - 18.00 сәгатьтә.
«Быел анда Россиянең төрле төбәкләреннән 13 яшь артист тере тавыш белән чыгыш ясаячак. Һәр артист - өр-яңа, әле ачылмаган планета. Аларның эчке дөньясын тасвирлауда генератив графика, нейрочелтәр ярдәмендә ясалган контент һәм 3D/2D-анимация кулланыла», дип хәбәр итә оештыручылар.
Татарстан вәкилләреннән башка Мәскәү, Санкт-Петербург, Ижевск һәм Саратовтан башкаручылар көтелә.
Чарадагы иҗади номерлар фестиваль нигезенә салынган «Мир» орбиталь станциясенең тарихы белән үрелеп бара.
Фестивальга керү бушлай. Түбәндәге сылтама аша үтеп, фестивальның сайтында регистрация узарга кирәк: https://mir-station.ru/.
- Бәшир Рәмиев исемендәге ИТ-парк Спартак ур., 2 нче йорт адресында урнашкан, 2 кат, конференцияләр залы.
- Проект Мәдәни инициативаларның Президент фонды һәм «RE»ACTOR» арт-резиденциясе ярдәмендә тормышка ашырыла.
- Социаль челтәрләрдә «Станция Мир» фестивале: https://vk.com/mir.station, https://t.me/mir_station_fest
- Проектка ярдәм итәргә теләүчеләр өчен сылтама: https://planeta.ru/campaigns/mir-station
Кызыклы яңалыкларны күзәтеп бару өчен Телеграм-каналга язылыгыз