Дин 25 декабрь 2019 21:24

Башкортстанның Яңавыл шәһәрендә мөселман китабына багышланган күргәзмә булды

Яңавыл мөхтәсибәте мәҗлесендә реставратор-белгеч Дамир Әхмәтгалиев лекция укыды.

Скопировать ссылку

(Казан, 25 декабрь, «Татар-информ»). Яңавыл шәһәрендә Башкортстан мөселманнары Диния нәзарәтенең Яңавыл мөхтәсибәте мәҗлесе (имам-мөхтәсибе Фәһим хаҗи Вәлиев) кысаларында «Каллиграфия тылсымы. Мөселман китабын нәшер итү традицияләре» дип исемләнгән күргәзмә булды. Бу турыда Россия Мөфтиләр шурасы сайтында хәбәр ителә.

Биредә Уфаның реставратор-белгече Дамир Әхмәтгалиев лекция укыды. Мәдәни-белем бирү чарасының максаты иҗади дин аша югары рухилыкка кагылу омтылышы булды, диелә хәбәрдә.

Мәҗлес эшендә Хакимият башлыгы Илшат Вазигатов җитәкчелегендәге район хакимияте вәкилләре, дин вәкилләре, авыл җирлекләре башлыклары, мәдәният хезмәткәрләре, шулай ук ислам нигезләрен өйрәнү буенча якшәмбе курслары укытучылары катнашты.

Чара Башкортстан Республикасы мөселманнары Диния нәзарәте инициативасы белән оештырылган.

#күргәзмә #Россия Мөфтиләр шурасы #Башкортстан #китап

Сәхифәләр

Башкортстанның Яңавыл шәһәрендә мөселман китабына багышланган күргәзмә булды