Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстанның Туймазы районында торак йортта чыккан янгында өч баланың гомере өзелгән
Янгын чыккан вакытта балалар өйдә үзләре генә булган.
(Казан, 16 декабрь, «Татар-информ»). Башкортстанның Туймазы районы Кандра авылында 16 декабрь төнендә чыккан янгында 4 һәм 2 яшьлек өч баланың гомере өзелгән. Бу хакта «Башинформ» агентлыгы хәбәр итә.
Кисәүләрне аралаган вакытта коткаручылар тереләй янып үлгән өч баланың мәетен тапкган. Әлеге факт буенча республика тикшерү комитеты җинаять эше кузгаткан. Гадәттән тыш хәл булган урынга составында Россия Тикшерү комитетының территориаль идарәсе җитәкчелеге һәм тикшерүчеләре,Башкортстан Республикасы буенча Эчке эшләр министрлыгы хезмәткәрләреннән торган тикшерү-оператив төркеме килгән.
«Башлангыч мәгълүматларга караганда, янгын чыккан вакытта балалар өйдә үзләре генә булган», - дип хәбәр иттеләр Россия Тикшерү комитетының Башкортстан Республикасы буенча тикшерү идарәсе матбугат хезмәтеннән.
Хәзерге вакытта фаҗига булган урын җентекләп тикшерелгән, янгынның нилектән килеп чыгуын һәм балаларның ни сәбәпле үлүен ачыклау өчен суд экспертизасы билгеләнгән. Әлеге фаҗигане үз күзләре белән күргән кешеләр һәм һәлак булучыларның законлы вәкилләреннән сорау алалар. Сабыйларны нилектән үзләрен генә калдыруларын һәм фаҗигагә китергән башка сәбәпләрне ачыклыйлар.
«Башинформ» агентлыгына бер чыганак хәбәр иткәнчә, әлеге фаҗига булган вакытта балаларның әниләре аракылы мәҗлестә кәеф-сафа корып утырган.
Туймазы районы хакимияте башлыгы Айдар Суфиянов агентлыкка белдергәнчә, торак йортта чыккан янгында балаларын югалткан ике гаилә балигъ булмаганнар эшләре комиссиясе контролендә булган. Әлеге факт буенча тикшерү үткәрелә. Янгын балалар шуклыгы һәм электр үткәргеченең төзек булмавы сәбәпле чыккан дип фаразлана.
Кызыклы яңалыкларны күзәтеп бару өчен Телеграм-каналга язылыгыз