Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстанның «Тамыр» телеканалы күрмәүче балаларга 200 аудиоязма тапшырган
Әлеге аудиоязмаларның барысын да электрон китапханәгә урнаштырачаклар.
(Казан, 27 ноябрь, «Татар-информ»). «Тамыр» телеканалы Башкортстан республикасы махсус китапханәсенең күрмәүче һәм начар күрүче иң нәни укучылары өчен Яңа елга бүләк ясаган. Аларга 200гә якын аудиоязма тапшырганнар. Бу хакта «Башинформ» агентлыгы хәбәр итә.
Аудиоязмаларда башкорт теленә тәрҗемә ителгән дөнья халыклары әкиятләре, башкорт язучыларының Бөек Ватан сугышына багышланган әсәрләре һәм башкорт телендәге балалар җырлары бар.
«Тамыр» безгә «Башкорт әкиятләре» проекты кысаларында башкарылган эш нәтиҗәләрен тапшырды. Аларны эстрада йолдызлары, театр артистлары укый, дип сөйләгән махсус китапханә директоры Айгөл Әминова.
Әлеге аудиоязмаларның барысын да электрон китапханәгә урнаштырачаклар. Аларны күрмәүче һәм начар күрүче кулланучылар йөкләп ала һәм тыңлый алачак.
Кызыклы яңалыкларны күзәтеп бару өчен Телеграм-каналга язылыгыз