news_header_top_970_100
news_header_bot_970_100

Башкортстандагы югары түрә кулга алынды

Россия Эчке эшләр министрлыгының Башкортстан идарәсеннән хәбәр итүләренчә, Н. Колобов зур күләмдә ришвәтчелектә шикләнелә

(Уфа, 19 октябрь, “Татар-информ”, Фәнис Фәтхуллин). Башкортстан югары җитәкчелеге даирәләрендә чираттагы җәнҗал.
“Ростехнадзор” идарәсен вазифаларын башкаручы Николай Колобов кулга алынды. Россия Эчке эшләр министрлыгының Башкортстан идарәсеннән хәбәр итүләренчә, Н. Колобов зур күләмдә ришвәтчелектә шикләнелә. Соңгы ике елда төрле ширкәтләрдә тикшерү оештырып, алардан акчалата да, әйберләтә дә “күчтәнәчләр” алган ул. Ришвәт күләме 2,5 миллион сум чамасы дип исәпләнә.
Николай Колобовны башка кырын эштә дә шикләнәләр. Үзенең улы аша югары түрә бер коммерция ширкәтенә җитәкчелек иткән, дип әйтелә БР Эчке эшләр министрлыгы идарәсе матбугатка бәян иткән мәгълүматларда.
Әле Николай Колобов кулга алынып, тикшерү бүлегенә ябылган. Аның башка гаепләре булу-булмавы да ачыкланачак.

news_right_column_1_240_400
news_right_column_2_240_400
news_bot_970_100