news_header_bot
Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
news_top
Башкортстандагы татар авылында шәҗәрә бәйрәме үтте
Соңгы елларда биредә даими үткәрелүче шушы күркәм бәйрәм быел да матур урман янындагы акланда шушы төбәктәге авыллар халкын җыйды
Скопировать ссылку
(Уфа, 18 июль, “Татар-информ”, Фәнис Фәтхуллин). Башкортстанның Бакалы районындагы Яңа Әлмәт исемле татар авылында шәҗәрә бәйрәме оештырылды.
Соңгы елларда биредә даими үткәрелүче шушы күркәм бәйрәм быел да урман янындагы акланда шушы төбәктәге авыллар халкын җыйды. Яңа Әлмәт авылы кешеләреннән тыш монда Зирекле, Әгъбәз һәм Бакалы авылылларында яшәүче милләттәшләр дә бик теләп килде.
Иң тәүдә якташлар зиратка барып, мәрхүм туганнарының каберләрен тазартты, алар рухына коръән укытты һәм хәерләр өләште. Аннан соң бәйрәм урман акланында дәвам итте.
Бәйрәмнең мәдәни өлеше уңышлы килеп чыксын өчен, Рамил Шакиров җитәкчелегендәге оештыру комитеты зур тырышлык салды. Илле ел элек эшләгән граммофонны мәйдан уртасына урнаштырдылар. Аннан борынгы халык җырлары бәйрәм буе яңгырап торды. Кунаклар Рамил Шакировның тәбрикләү чыгышыннан үз авыллары турында бай мәгълүматлар алды.
Биредәге авыллар кергән элекке “Ударник байрагы”, аннан соң “Ленин юлы” һәм “Маяк” дип үзгәртелгән күмәк хуҗалыкның үсешенә зур өлеш кертүчеләрнең исемнәрен, авыллардан чыккан күренекле шәхесләр турында сөйләде Рамил әфәнде. Берничә гаилә үз нәсел агачларын җентекле тикшереп төзегән. Аларны тыңлаганнан соң, башка кешеләр күңелендә дә үз шәҗәрәләрен өйрәнү теләге уянды.
Бер хуҗалыкка берләшеп тату яшәүче шушы дүрт авыл кешеләре бу көнне табигать кочагында рәхәтләнеп күңел ачты – биеде, җырлады, спорт бәйгеләрендә көч сынашты, күңелле уеннар оештырды.
Соңгы елларда биредә даими үткәрелүче шушы күркәм бәйрәм быел да урман янындагы акланда шушы төбәктәге авыллар халкын җыйды. Яңа Әлмәт авылы кешеләреннән тыш монда Зирекле, Әгъбәз һәм Бакалы авылылларында яшәүче милләттәшләр дә бик теләп килде.
Иң тәүдә якташлар зиратка барып, мәрхүм туганнарының каберләрен тазартты, алар рухына коръән укытты һәм хәерләр өләште. Аннан соң бәйрәм урман акланында дәвам итте.
Бәйрәмнең мәдәни өлеше уңышлы килеп чыксын өчен, Рамил Шакиров җитәкчелегендәге оештыру комитеты зур тырышлык салды. Илле ел элек эшләгән граммофонны мәйдан уртасына урнаштырдылар. Аннан борынгы халык җырлары бәйрәм буе яңгырап торды. Кунаклар Рамил Шакировның тәбрикләү чыгышыннан үз авыллары турында бай мәгълүматлар алды.
Биредәге авыллар кергән элекке “Ударник байрагы”, аннан соң “Ленин юлы” һәм “Маяк” дип үзгәртелгән күмәк хуҗалыкның үсешенә зур өлеш кертүчеләрнең исемнәрен, авыллардан чыккан күренекле шәхесләр турында сөйләде Рамил әфәнде. Берничә гаилә үз нәсел агачларын җентекле тикшереп төзегән. Аларны тыңлаганнан соң, башка кешеләр күңелендә дә үз шәҗәрәләрен өйрәнү теләге уянды.
Бер хуҗалыкка берләшеп тату яшәүче шушы дүрт авыл кешеләре бу көнне табигать кочагында рәхәтләнеп күңел ачты – биеде, җырлады, спорт бәйгеләрендә көч сынашты, күңелле уеннар оештырды.
Кызыклы яңалыкларны күзәтеп бару өчен Телеграм-каналга язылыгыз
news_right_1
news_right_2
news_bot