Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда Сабан туе үткәрергә һәм пляжларны ачарга рөхсәт иттеләр
Республика районнарында Сабан туйлары Башкортстан Башлыгының тиешле указы белән расланган график буенча узачак.
(Казан, 27 май, «Татар-информ). Башкортстан Башлыгы Радий Хәбиров коронавирус инфекциясе таралу куркынычына бәйле рәвештә югары әзерлек режимы турындагы указга үзгәрешләр кертте. Ул Сабантуй үткәрергә һәм пляжларны ачарга рөхсәт итте.
«Башинформ» агентлыгы хәбәр иткәнчә, документның яңа редакциясе нигезендә, санитар-эпидемиологик таләпләр катгый үтәлгән очракта махсус җиһазландырылган пляжларга эшләргә рөхсәт ителә. Шул ук вакытта, битлектән йөрү таләбе аларга кагылмый.
Республика районнарында Сабан туйлары Башкортстан Башлыгының тиешле указы белән расланган график буенча узачак.
Оештыручылар Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) торак пунктларның ачык киңлекләрендә дезинфекция чараларын үткәрү, сәүдә предприятиеләрендә коронавирусны кисәтү, инфекция таралу куркынычы янаган шартларда су объектларының рекреация зоналары эшен оештыруга (һ.б.) кагылышлы тәкъдимнәрен үтәргә тиеш.
Сабан туе үткәрү территориясен социаль дистанцияне үтәү мөмкинлеген исәпкә алып сайларга кирәк. Оештыручылар шулай ук барлык катнашучыларның да битлектән булуын контрольдә тотарга, термометрия һәм дезинфекция үткәрергә, кулларны эшкәртү өчен тиешле шартлар тудырырга тиеш, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз