Татар дөньясы 25 декабрь 2009 12:13

Башкортстанда Нәкый Исәнбәтне искә алалар

Татар халкының асыл улы, халык язучысы Нәкый Исәнбәтнең тууына 110 ел тулды. Шушы уңайдан аны туган ягы Башкортстанда искә алу чаралары башланды

Скопировать ссылку

(Уфа, 25 декабрь, “Татар-информ”, Фәнис Фәтхуллин). Татар халкының асыл улы, халык язучысы Нәкый Исәнбәтнең тууына 110 ел тулды. Шушы уңайдан аны туган ягы Башкортстанда искә алу чаралары башланды.
Нәкый Исәнбәтне бу көннәрдә аның туган төбәге Салават районында төрле чаралар белән искә алалар. Мәктәпләрдә һәм китапханәләрдә халык язучысының тормышына һәм иҗатына багышланган күргәзмә почмаклар әзерләнде. Мәктәпләрдә укучылар Нәкый Исәнбәткә багышланган иншалар яза, әдәби кичәләр оештыра.
Республика матбугатында Нәкый Исәнбәткә багышланган язмалар да басыла башлады. Шуларның чираттагысы “Кызыл таң” татар газетасының 25 декабрь санында дөнья күрде. Танылган журналист Фәрит Фаткуллинның халык язучысы хакындагы истәлекләре гәзитнең тулы бер битен биләп тора. “Нәкый Исәнбәт дигән олы бер дөнья” исемле шушы күләмле язмасында автор атаклы язучы белән үзенең очрашуы хакында да бәян итә, шулай ук башка күренекле шәхесләрнең Нәкый Исәнбәт турындагы фикерләрен, хатирәләрен китерә.

Сәхифәләр

Башкортстанда Нәкый Исәнбәтне искә алалар