Җәмгыять 13 сентябрь 2016 18:14

Башкортстанда меңләгән кеше бушлай туңдырма өчен сугыша язган - видео

Шәһәрнең 250 еллыгына кешеләргә 250 килограмм туңдырма өләшкәннәр.

Скопировать ссылку

(Казан, 13 сентябрь, «Татар-информ»). Башкортстанда бушлай туңдырма өчен чиратта торган 15 мең чамасы кеше арасында этеш-төртеш башланган. Бу хакта "Башинформ.рф" агентлыгы хәбәр итә.

Балалар чиный, олылар әдәпсез сөйләмгә күчә, ике ир-ат аздан гына тукмашмый кала, дип хәбәр итә «Комсомольская правда Уфа». Стәрлетамактагы сәүдә үзәге шәһәр көне уңаеннан халыкны туңдырма белән сыйламакчы булган. Туңдырма яратучыларны яңгыр да, көзге салкын да куркытмаган.

Оештыручылар шәһәрнең 250 еллыгына кешеләргә 250 килограмм туңдырма өләшкәннәр. Видеодан күренгәнчә, бу гамәл чын тамашага әйләнгән.

#Башкортстан #Стәрлетамак

Сәхифәләр

Башкортстанда меңләгән кеше бушлай туңдырма өчен сугыша язган - видео