Фән һәм мәгариф 10 гыйнвар 2020 15:54

Башкортстанда мәгариф өлкәсендә берәр миллион сумлык егерме грант биреләчәк

Грантларны иң яхшы ун шәһәр мәктәбе һәм республиканың иң яхшы ун авыл гомуми белем бирү оешмасы алачак.

Скопировать ссылку

(Казан, 10 гыйнвар, «Татар-информ»). 2020 елдан Башкортстанда «белем бирү эшчәнлегендә югары нәтиҗәләргә ирешкән өчен» берәр миллион сум күләмендә 20 грант гамәлгә куела. Бу турыда «Башинформ» хәбәр итә.

Алар һәр уку елы нәтиҗәләре буенча шәһәрнең иң яхшы ун һәм республиканың иң яхшы ун авыл гомуми белем бирү оешмасына тапшырылачак. Бу өлкәдә төбәк җитәкчесенең грантлары турындагы боерыкны Радий Хәбиров имзалады.

Документ белән шулай ук конкурс нигезендә сайлап алу турында нигезләмә расланды. Аерым алганда, анда мәктәпләрдә белем бирү хезмәтенең нәтиҗәлелеген бәяләү критерийлары тәкъдим ителгән.

Грантларны бирү тәртибен республика хөкүмәте хәл итәчәк.

#грант #Башкортстан #Радий Хәбиров

Сәхифәләр

Башкортстанда мәгариф өлкәсендә берәр миллион сумлык егерме грант биреләчәк