Җәмгыять 5 май 2019 11:25

Башкортстанда кызамык белән авыру очраклары ачыкланган

Кайбер мәктәпкәчә белем бирү учреждениеләрендә карантин игълан ителгән.

Скопировать ссылку

(Казан, 5 май, «Татар-информ»). Башкортстанда кызамык белән авыру очраклары ачыкланган, карантин игълан ителә. Бу хакта «Башинформ» хәбәр итә.

Уфада укучыларның ата-аналарына 6 майдан кызамык прививкасы булмаган балалар уку процессына кертелмәячәкләре хакында хәбәр таратыла. Әмма бу турыда Россия кулланучылар күзәтчелеге сайтында боерык бастырылмаган.

Башкортстанда рәсми булмаган мәгълүматлар буенча, авыруның дүрт очрагы ачыкланган инде. Кайбер мәктәпкәчә белем бирү учреждениеләрендә карантин игълан ителгән.

Табиблар фикеренчә, ашыгыч рәвештә балаларга табиб билгеләвеннән башка кызамыктан прививка ясатырга кирәк түгел. Моның өчен милли календарьда әйтелгән профилактик прививкалар өчен махсус вакыт бар: кызамык өчен ике прививка — 1 яшьтә һәм 6 яшьтә каралган.

Әгәр прививкалар дөрес эшләнгән икән, кызамыкка гомер буена ныклы иммунитет формалашырга тиеш. Шик булса, табиб кызамык антитәнчекләренә тикшерү анализын билгеләргә мөмкин.

#Башкортстан #кызамык

Сәхифәләр

Башкортстанда кызамык белән авыру очраклары ачыкланган