news_header_top
Руc Тат
16+
news_header_bot
news_top
Җәмгыять 10 ноябрь 2009 15:33

Башкортстанда грипп чиренә каршы өстәмә чыгымнар

Башкортстан Министрлар Кабинеты, грипп һәм салкын тидереп чирләүчеләрне дәвалау өчен, өстәмә рәвештә 32 миллион сум акча бүлде

Скопировать ссылку
(Уфа, 10 ноябрь, “Татар-информ”, Фәнис Фәтхуллин). Башкортстан Министрлар Кабинеты, грипп һәм салкын тидереп чирләүчеләрне дәвалау өчен, өстәмә рәвештә 32 миллион сум акча бүлде.
Шушы акчаның 22 миллионы үпкәне ясалма җилләтү җиһазлары алу өчен, ә калганы дарулар сатып алуга тотылачак. Әлеге өстәмә ярдәмне бүлү салкын тидереп чирләүчеләрнең һәм грипп йоктыручыларның кискен артуына бәйле. Хәзер Башкортстанда һәм Уфада грипп һәм салкын тидерү күрсәткече тиешле баскычның 25 процент чамасын узып киткән.
Башкортстан халкын дуңгыз кизүе дә шомландыра. Ни өчен дигәндә, мондый авыру йоктыручылар да арта. Хәзер аларның саны 12 гә җиткән. Ә 3 ноябрь көнне Уфада яшәүче 25 яшьлек егет нәкъ менә шушы пандемия авыруыннан вафат булды.


news_right_1
news_right_2
news_bot