Җәмгыять 5 ноябрь 2009 13:16

Башкортстанда дуңгыз кизүенә каршы дару эшләнде

Җитештерү ширкәтенең фәнни киңәшчесе Михаил Пушкарев әйтүенчә, әле 200 мең данә күләмендә вакцина эшләнгән

Скопировать ссылку

(Уфа, 5 ноябрь, “Татар-информ”, Фәнис Фәтхуллин). Уфадагы “Иммунопрепарат” берләшмәсендә, Россиядә киңкүләм җитештерү максатында, А/H1N1 гриппына каршы тәүге партия вакцианалар ясалып бетте.
Җитештерү ширкәтенең фәнни киңәшчесе Михаил Пушкарев әйтүенчә, әле 200 мең данә күләмендә вакцина эшләнгән. Уфада шушы вакцинаны әзерли башлау турында җәй уртасында ук хәбәр ителгән иде. М. Пушкарев сүзләренчә, шул вакыттан алып бик күп тикшеренүләр уздырылган һәм хәзер вакциананы күпләп җитештерү өчен соңгы әзерлекләр бара.
Препарат “Пандефлю” исемен алган. Вакцина барлык сынауларны үткән, организмның аны кичерүе сәләте, иминлек өчен зыянсыз булуы кат-кат өйрәнелгән һәм ул яхшы нәтиҗәләр күрсәткән. Әле ноябрь азагына кадәр яңа даруның тәэсире тагын бер кат ныклы тикшерү үтәчәк. Аннан соң ул киңкүләм җитештерелә башлый.
Дару гадәти гриппка каршы вакцина сыйфатында ясала. Күпләп җитештерүгә керешкәч, аны Россиянең барлык төбәкләренә җибәрә башлаячаклар.

Сәхифәләр

Башкортстанда дуңгыз кизүенә каршы дару эшләнде