Хәвеф-хәтәр 28 сентябрь 2018 17:52

Башкортстанда билгесез кешеләр ат көтүен мылтыктан аткан

Малларны республиканың Нуриман районында үтергәннәр.

Скопировать ссылку

(Казан, 28 сентябрь, "Татар-информ"). Башкортстанда билгесез кешеләр ат көтүенә мылтыктан аткан. Бу хакта “Башинформ” агентлыгы хәбәр итә.

Малларны республиканың Нуриман районында үтергәннәр. Атларның хуҗасы Рифкать Хәлилов агентлыкка сөйләгәнчә, җиде атны үлгән килеш тапкан. Тагын 193 атының кайда икәнлеген хуҗа кеше әлегә белми. Маллар ату тавышыннан куркып качкан булырга да мөмкин.

Башлангыч мәгълүматлар буенча, бер миллион сумлык якын зыян килгән.

Югалган атларны эзләү дәвам итә. Рифкать Хәлилов улы һәм күршеләр белән бергә басулар буйлап атларын эзли.

Атларны үтерүчеләрне полиция дә эзли. Әлеге факт буенча җинаять эше ачылган. Җинаятьчеләргә ике ел төрмә яный.

#ат #җинаять

Сәхифәләр

Башкортстанда билгесез кешеләр ат көтүен мылтыктан аткан