Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстанда балалары туган яшь гаиләләргә 300 мең ачка түләнәчәк
Социаль түләү бу гаиләләрнең тору шартларын яхшырту өчен тотылачак дип исәпләнә.
(Казан, 12 февраль, “Татар-информ”). 2017 елдан Башкортстан республикасында беренче баласы туган яшь гаиләләргә торак сатып алу өчен берьюлы бирелә торган социаль түләү тапшырылачак. Бу хакта муниципалитет башлыклары белән демография мәсьәләләре буенча киңәшмә вакытында Башкортстан башлыгы Рөстәм Хәмитов белдерде, дип хәбәр итә “Башинформ”.
“Тиздән мин Яшь гаиләләргә берьюлы бирелә торган 300 мең күләмендә социаль түләү тапшыру турында карарга кул куячакмын. Ул бу елның башыннан балалары туган гаиләләрнең тору шартларын яхшырту өчен биреләчәк. Муниципаль районнарга, шәһәр округларына шулай ук ярдәм итү чараларын эшләргә кирәк дип саныйм. Республиканың предприятиеләре һәм оешмалары да бу эштән читтә калмаска тиеш”, – дип белдергән Рөстәм Хәмитов.
Шул ук вакытта республика башлыгы туучылар санын арттыруда бу ысул бердәнбер булмаска тиеш дип искәрткән.
Кызыклы яңалыкларны күзәтеп бару өчен Телеграм-каналга язылыгыз