Хәвеф-хәтәр 15 июль 2019 16:58

Башкортстанда авариягә очраган Татарстан автобусы шоферын кулга алганнар

32 яшьлек йөртүчене юл хәрәкәте кагыйдәләрен бозып, икедән артык кеше үлемендә гаеплиләр.

Скопировать ссылку

(Казан, 15 июль, “Татар-информ”). Башкортстанда авариягә очраган Татарстан автобусының 32 яшьлек йөртүчесен кулга алганнар. Бу хакта Башкортстан Республикасы буенча Россия Тикшерү комитеты идарәсендә хәбәр иттеләр.

“Тикшерү ачыклаганча, кичә 14 июльдә, кич 32 яшьлек ир-ат Уфа-Изнер-Белорет юлыннан Архангел районына бара торган 39 пассажир утырган автобус йөрткәндә идарәне югалта. Юл читенә төшеп китә һәм каплана”, - дип хәбәр иттеләр идарәдә.

Автобус йөртүчесе кулга алынган. Аны юл хәрәкәте кагыйдәләрен бозып, саксызлык буенча икедән артык кеше үлемендә гаеплиләр.

Тикшерүчеләр һәм криминалистлар авария урынын тикшергән. Шулай ук экспертиза да билгеләнгән. Ул авария вакытында автобусның нинди техник торышта булганын һәм аны куллану таләпләрен бозу ихтималын ачыкларга тиеш. Шулай ук пассажирлар йөртә торган компаниянең тиешле документациясе каралачак һәм хезмәткәрләрдән сорау алыначак.

Кичә Башкортстанда Татарстан автобусы юл һәлакәтенә очрады. Авария вакытында салонда булган 39 пассажирның алтысы һәлак булды. 21 кеше төрле яралар белән хастаханәгә озатылды. Зыян күргән биш кешене якын арада Яр Чаллы хастаханәсенә алып китәчәкләр.

Авария факты буенча җинаять эше ачылды.

#Башкортстандагы авария

Сәхифәләр

Башкортстанда авариягә очраган Татарстан автобусы шоферын кулга алганнар