Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстан Ветеринария баш идарәсе күпләп бал кортлары үлеме турындагы хәбәрне кире какты
Баш дәүләт ветеринария инспекторы Вәкил Буранбаев республикада бал кортларын күпләп зарарлаучы яңа вирус инфекциясе мөмкинлеге тикшерелә, диде.
(Казан, 12 апрель, “Татар-информ”). Башкортстан Ветеринария баш идарәсе җитәкчесе – баш дәүләт ветеринар инспекторы Вәкил Буранбаев республикада бал кортларын күпләп үлеменә китерердәй яңа вирус инфекциясе булу мөмкинлеге турында ашыгыч нәтиҗә чыгарырга ярамый, тикшерү эше бара, дип җиткерә. Бу хакта "Башинформ" хәбәр итә.
Умартачылык буенча республика ассоциациясе вице-президенты Сергей Мулюков Facebookта Башкотстанның кайбер районнарында күпләп бал кортлары үлеме турында җиткергән иде. Шундый ук хәл Алтайда, Оренбург, Самара өлкәләрендә һәм Адыгейда да күзәтелә, бал кортлары үлеме сәбәбе булып, таныш булмаган вируслы инфекция торуы мөмкин, диелде.
“Сергей Мулюков ветеринария табибларына мөрәҗәгать итмичә, вирус турында хәбәр итәргә ашыккан. Уфа районнарының бер умарталыгында пробалар алына, нәтиҗәләр шушы арада билгеле булачак”, – дип хәбәр иткән “Башинформ” агентлыгына Вәкил Буранбаев.
Кызыклы яңалыкларны күзәтеп бару өчен Телеграм-каналга язылыгыз