Җәмгыять 1 октябрь 2009 16:01

Башкортстан татарлары Казанга җыена

Казанда 11 октябрьдә үтәчәк хәтер көненә Башкортстаннан ел да милләтпәрвәрләр барып актив катнаша

Скопировать ссылку

(Уфа, 1 октябрь, “Татар-информ”, Фәнис Фәтхуллин). Башкортстан татар милли оешмалары вәкилләре үзләренең чираттагы утырышын үткәрде.
Киңәшмәдә агымдагы көнүзәк мәсьәләләр тикшерелде. Шулай да төп мәсьәлә булып Казанда 11 октябрьдә үтәчәк хәтер көненә әзерлек хәстәрлекләре торды. Халкыбызның төп хәтер көненә Башкортстаннан ел да милләтпәрвәрләр барып актив катнашып кайта. Быел да бу матур гадәтне бозмаска булдылар.
Киңәшмәдә чыгыш ясаган БР Татар иҗтимагый үзәге рәисе Кадерле Имаметдинов, аның урынбасары Айрат Гыйниятуллин, шулай ук БР Татар конгрессы актив әгъзасы Рәис Карачуриннар Казандагы хәтер көненә әзерлек тәңгәлендә үзләренең тәкъдим-теләкләрен әйтте. Алар милләтебез мәркәзенә баргач, урам җыенында Башкортстан татарлары исеменнән чыгыш әзерләнүе турында да әйтте.
Казандагы хәтер чарасына бер автобуста егермегә якын кеше барыр дип килешенде. Әлеге сәфәрне “Хәзинә” яшьләр татар үзәге җитәкчесе Камил Сираҗетдинов оештырырга алынды.

Сәхифәләр

Башкортстан татарлары Казанга җыена