news_header_top_970_100
news_header_bot_970_100

Башкортстан татарлары Казанда Хәтер көнендә катнашты

Башкортстан татар милли оешмалары вәкилләре Казанга сәфәрдән әйләнеп кайтты

(Уфа, 12 октябрь, “Татар-информ”, Фәнис Фәтхуллин). Башкортстан татар милли оешмалары вәкилләре Казанга сәфәрдән әйләнеп кайтты.
Якташларыбыз анда ел да уздырылучы Хәтер көнендә катнашты. Башкортстаннан Хәтер көненә егермегә якын кеше бер автобуста барса, үзләренең җиңел машиналары белән баручылар да булды.
Халкыбызның төп хәтер көненә Башкортстаннан ел да милләтпәрвәрләр барып актив катнашып кайта. Быел да бу матур гадәтне бозмаска булдылар. Әлеге сәфәрне “Хәзинә” яшьләр татар үзәге җитәкчесе Камил Сираҗетдинов оештырды. Автобуста егермегә якын кеше барды хәтер чарасына. Алар арасында төрле татар милли оешмалары әгъзалары һәм милләт зыялылары бар иде.
Башкортстан татарлары Уфада да Хәтер көнен уздыра. Күптән әзерлек алып барылган бу чара иртәгә үтәчәк. Казанны саклап шәһит китүчеләр рухына коръән укылачак һәм чәй мәҗлесе оештырылачак. Берочтан Башкортстан татар милли оешмалары алдында торган көнүзәк бурычлар хакында фикер алышу да була.

news_right_column_1_240_400
news_right_column_2_240_400
news_bot_970_100