Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстан студентын Татарстан дәүләт сайтына зыян китергән өчен хөкем иттеләр
Башкортстандагы бер югары уку йортының 22 яшьлек студенты Татарстан телекоммуникацияләре интеграцияләнгән дәүләт системасы чыганакларын ваткан.
(Казан, 24 октябрь, “Татар-информ”). Башкортстанда физмат студенты Татарстан дәүләт сайтына зыян салган өчен хөкем ителгән. Бу хакта Башкортстан Югары суды матбугат хезмәте хәбәр итә.
Суд мәгълүматлары буенча, узган елның июнь һәм сентябрь айларында Башкортстандагы бер югары уку йортында физика-математика факультетының 22 яшьлек студенты ноутбукка софт урнаштырган.
Ул аның ярдәмендә законсыз рәвештә Татарстан телекоммуникацияләре интеграцияләнгән дәүләт системасы чыганакларына кергән. Студент егет шулай ук Пермь крае сайлау комиссиясе чыганакларына үтеп кергән.
Нәтиҗәдә “Мәгълүматны санкцияләрсез юк итүдә яки аны саклаучы чараларны нейтральләштерү өчен компьютер программаларын яисә башка компьютер мәгълүматын ясау, тарату яки куллану” маддәсе буенча егетне бер елга шартлы рәвештә ирегеннән мәхрүм иткәннәр.
Студент егетнең ике ноутбугы һәм каты дисклары дәүләт файдасына сатылган.
Кызыклы яңалыкларны күзәтеп бару өчен Телеграм-каналга язылыгыз