Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан Корылтае депутаты Рөстәм Хәмитовның истә калырлык эше булмады дип әйтте
Зәки Алибаев Башкортстанның элекке Башлыгының истә калырлык иң зур эше Уфадагы халыкара саммит кына булуы турында сөйләде.
(Казан, 12 октябрь, “Татар-информ”, Альбина Мөхәммәдиева). Башкортстан республикасының Дәүләт Җыелышы-Корылтай депутаты Зәки Алибаев Рөстәм Хәмитов Башкортстан башлыгы булган чорда истә калырлык эш башкармады дип исәпли. Бу хакта ул “Татар-информ” хәбәрчесенә әйтте.
- Кичә Рөстәм Хәмитов Башкортстан башлыгы вазифасыннан үз теләге белән китте. РФ Президенты карары белән бу вазифаны вакытлыча Радий Хәбиров башкарачак.
“Рөстәм Хәмитов җитәкчелек иткән чорда халыкара бәйләнешләр булдырылды. ШОС, БРИКС саммиты үткәрелде, әмма шуннан башка 8 ел буена бернинди дә истә калырлык эш башкарылмады”, - диде Зәки Алибаев.
- “ШОС – Шанхай хезмәттәшлек оешмасы, БРИКС – Бразилия, Россия, Һиндстан, Кытай, Көньяк Африка республикасын берләштергән халыкара оешма. Бу илләрнең утырышы 2015 елның җәендә Уфада узды.
“Рөстәм Хәмитовның китүе көтелмәгән хәл түгел. Безнең бүгенге хәлне аңлап, үз теләге белән яшьләргә урын бирү теләген хуплыйм. 64 яшендә үзенең эшенә үзе бәя бирә белде. Хезмәттәшләренә рәхмәтен белдереп, үзе турында яхшы тәэсир калдырып үз вәкаләтләрен туктатты, шуның белән интеллигентлыгын күрсәтте”, - ди Зәки Алибаев.
Депутат Рөстәм Хәмитовның икътисади үсеш өлкәсендә кимчелекләре бар икәнен әйтте. “Мортаза Рәхимов җитәкчелек иткән заманны бездә “Башкортстанның алтын чоры” диләр. Мәктәпләр, театрлар, мәдәният йортлары ачылу, авылларга газ кертү, юллар төзү белән истә калды ул. Чагыштырмача, Рөстәм Хәмитовның истә калырлык эше булмады. Бу минем субъектив фикер”, - ди ул.
Зәки Алибаев Радий Хәбировны республика Башлыгы вазифасына туры килә дип санавын әйтте. “Ул БДУны тәмамлады, декан урынбасары, администрациядә эшләгән кеше. Радий Хәбиров югалып калган кешеләрдән түгел. Аның кире үз туган ягына кайту безнең өчен уңай күренеш”,- дип әйтте депутат.
Кызыклы яңалыкларны күзәтеп бару өчен Телеграм-каналга язылыгыз