Башкортстан халык шагыйре: Татарга Стратегия күптән кирәк иде
Марат Кәримов «Татар халкының үсеш стратегиясе» эскизына фикерләрен җиткерде.
Скопировать ссылку
(Уфа, 24 февраль, «Татар-информ», Лилия Гаделшина). Башкортстанның халык шагыйре Марат Кәримов Уфада «Татар халкының үсеш стратегиясе» эскизы буенча фикер алышуда катнашты. «Татар акылы - төштән соң, дигән халык мәкале искә төшә. Бу Стратегия мәсьәләсе күптән күтәрелергә тиеш иде. Моңа җавапны да халык мәкале белән бирәсем килә: соң булса да, уң булсын», - дип теләкләрен җиткерде татар шагыйре.
Марат Кәримов Стратегия дигәндә, анда татарларда милли рух тәрбияләү бурычын куя. «Ул мәктәптә генә түгел, ә бишектән башланырга тиеш», - диде ул. Марат Кәримов үзенең теләкләрен шигъри юллар белән җиткерде.
- Бүген Уфаның «Нур» дәүләт татар театрына Башкортстанның татар иҗтимагый оешмалары вәкилләре җыелды. Барлыгы 500гә якын кеше. Аларны Стратегиянең эскизы белән Татарстан Премьер-министры урынбасары, Бөтендөнья татар конгрессы Милли Шурасы рәисе Васил Шәйхразиев таныштырды.