Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан Диния нәзарәтендә Коръәнне башкорт теленә тәрҗемә итү турында сөйләштеләр
Гарәп теленнән башкорт теленә Коръән беренче тапкыр 1993 елда тәрҗемә ителгән, шуннан соң тәрҗемәне тирәнтен анализлау һәм редакцияләү булмаган.
(Казан, 21 апрель, «Татар-информ»). Башкортстан Республикасы Диния нәзарәтендә Коръәнне башкорт теленә тәрҗемә итү мәсьәләсен карадылар. Бу хакта Россия мөфтиләр шурасы сайтында хәбәр ителә.
Башкортстан Республикасы Диния нәзарәте резиденциясендә мөфти Айнур хәзрәт Биргалин җитәкчелегендә Голәмәләр шурасы утырышы булды. Утырышта «Нигезләмә» (имам кодексы) һәм биш тапкыр укыла торган, шулай ук җомга, җеназа намазларын башкару буенча бердәм кагыйдәләрне эшләү мәсьәләсе каралды.
Чираттагы сорау Коръәнне башкорт теленә тәрҗемә итүгә багышланган иде. Гарәп теленнән башкорт теленә Коръән беренче тапкыр 1993 елда тәрҗемә ителә. Ул Көнчыгышны өйрәнүче галим, тарих фәннәре кандидаты Фәнил Баишев җитәкчелегендә эшләнгән булган. Шуннан бирле тәрҗемәне тирәнтен анализлау һәм редакцияләү булмаган.
Утырышта «Электрон мәчет» проекты кысаларында республика мәчетләренә оператив элемтә һәм лекцияләр, вебинарлар үткәрү өчен җиһазлар урнаштыру турында да сөйләштеләр.
Кызыклы яңалыкларны күзәтеп бару өчен Телеграм-каналга язылыгыз