Мәдәният 23 сентябрь 2019 04:45

Башкортстан башлыгы "Сеңел" фильмын караган

Фильм премьерасы Башкортстанның халык шагыйре Мостай Кәримнең тууына 100 ел тулуга багышланган.

Скопировать ссылку

(Казан, 23 сентябрь, "Татар-информ"). 22 сентябрьдә Уфада республика башлыгы Радий Хәбиров "Башкортостан" дәүләт концертлар залында "Сеңел" нәфис фильмы премьерасын караган. Бу турыда "Кызыл таң" газетасы хәбәр итә.

Мостай Кәримнең "Безнең өйнең яме" повесте буенча хәрби драманы төшерү белән Россия Мәдәният министрлыгы һәм М.Кәрим исемендәге фонд ярдәме белән «Мотор Фильм Студия» кинокомпаниясе шөгыльләнде. Фильмның дистрибьютеры - Walt Disney Studios Россия бүлекчәсе. Русия прокатына картина 19 сентябрьдә чыкты.

Фильм премьерасы Башкортстанның халык шагыйре Мостай Кәримнең тууына 100 ел тулуга багышланган.

Бүгенге чарада фильмны төшерү төркеме әгъзалары – режиссер Александр Галибин, сценарист Айдар Акманов, төп рольләрне башкаручылар, шулай ук Мостай Кәрим исемендәге фондны гамәлгә куючы һәм фильмның продюсеры Тимербулат Кәримов катнашты.

#Радий Хәбиров

Сәхифәләр

Башкортстан башлыгы "Сеңел" фильмын караган