Башкортстан Башлыгы Сабан туйларында хәмер сатуны тыярга тәкъдим итте
Җитәкче фикеренчә, республикада Сабан туе, «Соңгы кыңгырау», Яшьләр көне һәм Белем көне үткәрелгән көннәрдә хәмер сатуны чикләргә кирәк.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 8 апрель, «Татар-информ»). Башкортстан Башлыгы вазифаларын башкаручы Радий Хәбиров Сабан туйларында хәмер сатуны тыярга тәкъдим итте. Бу хакта «Башинформ» хәбәр итә.
Башкортстан җитәкчесе фикеренчә, республика районнарында Сабан туе, төбәктә «Соңгы кыңгырау», Яшьләр көне һәм Белем көне үткәрелгән көннәрдә ваклап сату сәүдәсендә хәмер сатуны чикләргә кирәк.
«Сөенеч булганда нигә эчәргә кирәк? Сабан туенда кешеләр эчеп исерергә тиеш түгел. Яшьләрнең исереп йөрүе искиткеч күңелсез күренеш», - дигән Башкортстан Башлыгы.
«Моны этаплап башкарырга була. Шартлы рәвештә әйткәндә, 15 июньдә Сабан туе Күгәрчен районында үткәрелә икән, димәк, бу көнне анда алкоголь сатуны чикләргә кирәк, — дип белдерде республика хөкүмәтендә узган оператив киңәшмәдә Радий Хәбиров. — Беренче тапкыр, бәлки, ошамас та. Беренче тапкыр, бәлки, күңелсезрәк йөрерләр. Аның каравы, икенче юлы барысы да әйбәт булачак».