Башкортстан авыллары Яңа елны хәмерсез каршы алырга җыена

Башкортстанда «Аек авыл» республикакүләм бәйгенең муниципаль этабы тәмамланган.

Скопировать ссылку

(Казан, 31 декабрь, «Татар-информ», Алинә Бикмуллина). Башкортстанда «Аек авыл» республикакүләм бәйгенең муниципаль этабы тәмамланган. 2011 елдан бирле үткәрелә торган бәйге Бөтендөнья башкорт корылтае инициативасы белән үткәрелә. Бу турыда Башкортстанның Әлшәй районының «Әлшәй хәбәрләре» газетасы (104нче саны) хәбәр итә.

Барлыгы биш конкурс (2011, 2012, 2013, 2014 һәм 2019 елларда) узган. Авылны үстерүнең комплекслы программасына җиңүче исеменә лаек булган биш авыл керәчәк.

Бәйге авыл халкын аек һәм сәламәт яшәү рәвешенә тарту, балаларны өлкән буын тоткан гореф-гадәтләргә туры китереп тәрбияләү өчен оештырыла.

Конкурста авыллар бик актив катнаша икән. Әйтик, республиканың Әлшәй районында гына да муниципаль этапта 57 авыл иң аек авыл исеменә дәгъва кылган.

Республикакүләм бәйгенең нәтиҗәләре 2021 елның февралендә генә чыгарыла. Башкортстан авыллары Яңа елны да аек акыл белән хәмер эчемлекләрдән башка каршы алачак, дип фаразлана хәбәрдә.

#Башкортстан

Сәхифәләр

Башкортстан авыллары Яңа елны хәмерсез каршы алырга җыена