Мәдәният 10 октябрь 2020 09:50

Башкорт драма театры генерал Миңнегали Шәйморатов турында спектакль әзерли

Сценарий республиканың Милли һәм хәрби-тарихи музейлары фондындагы документаль чыганаклар буенча язылачак.

Скопировать ссылку

(Казан, 10 октябрь, «Татар-информ»). Мәҗит Гафури исемендәге Башкорт академия драма театры «Шәйморатов-генерал» театральләштерелгән документаль проект-тамаша кую өстендә эшләргә кереште. Тарихи проект Россия Герое, генерал-майор Миңнегали Шәйморатовка багышланачак. Бу турыда «Башинформ» хәбәр итә.

Сценарий авторы — Зөһрә Буракаева, режиссер-куючы — Хөрмәтулла Үтәшев.

«Сценарий республиканың Милли һәм хәрби-тарихи музейлар фондындагы документаль чыганаклар буенча язылачак. Консультант тарихчы Салават Хәмидуллин булачак», — дип ачыклык керттеләр театрда.

Спектакльне куюда театрның баш рәссамы Альберт Нестеров, музыкаль бүлек җитәкчесе Урал Иделбаев, мөхәррир Динара Каюмова һәм театр актерлары эшләячәк.

Премьера көне соңрак билгеләнәчәк.

Исегезгә төшерәбез, быел Миңнегали Шәйморатовка багышланган спектакль Сибай башкорт драмтеатрында куелган иде.

#генерал Шәйморатов #Башкорт дәүләт драма театры

Сәхифәләр

Башкорт драма театры генерал Миңнегали Шәйморатов турында спектакль әзерли