Архив 27 декабрь 2004 12:33

Башкаланың барлык районнарында Казанның 1000 еллыгы билгеләре пәйда булды

Скопировать ссылку

(Казан, 27 декабрь, "Татар-информ", Ирина Игнатьева). Башкаланың барлык районнарында шәһәр башлыгы тарафыннан расланган Казанның 1000 еллыгының рәсми билгеләре пәйда булды. Аларны районнарга керү урыннарында гына түгел, ә министрлык, ведомство, шулай ук яңа ел чыршыларына да урнаштырганнар. Мисал өчен, Идел буе районында әлеге билге Павлюхин урамындагы бер йортны бизи, ә Совет районында ул "Акчарлак" сәүдә йортыннан ерак түгел урнаштырылган.

Рәсми билге түгәрәк уртасында Сөембикә манарасы, аста 1005-2005 саннарыннан гыйбарәт. Төсләре дә уңышлы сайланган: яшел, кызыл, алтынсу. Билгенең төгәл үлчәме юк, әлеге билгеләр саны да күрсәтелмәгән. Әмма бер шарты бар: билгене әзерләгәндә кулланыла торган буяулар һава шартларына каршы тотрыклы булырга тиеш.

Сәхифәләр

Башкаланың барлык районнарында Казанның 1000 еллыгы билгеләре пәйда булды