Авыл 12 декабрь 2018 21:09

Баш ветеринария идарәсе җитәкчесе мактаулы исемгә лаек булды

Алмаз Хисаметдиновка "Татарстанның атказанган ветеринария табибы" исеме бирелде.

Скопировать ссылку

(Казан, 12 декабрь, "Татар-информ"). ТР Министрлар Кабинеты карамагындагы Баш ветеринария идарәсе башлыгы Алмаз Хисаметдинов "Татарстанның атказанган мал табибы" исеменә лаек булды. Мәртәбәле бүләкне аңа Казан Кремлендә ТР Премьер-министры Алексей Песошин тапшырды.

Алмаз Хисаметдинов - югары белемле мал табибы. 2002 елда ул Бауман ис.Ветеринария медицинасы академиясен тәмамлаган. Хезмәт юлын Балтач районында мал табибы булып башлый. 2014 елның 9 гыйнварыннан ул ТР Министрлар Кабинеты карамагындагы Баш ветеринария идарәсен җитәкли.

Ул җитәкчелек иткән чорда дәүләт ветеринария хезмәтен, аерым алганда, хайваннарның төрле авыруларын кисәтү, халык сәламәтлеген саклау, ветеринар-санитар яктан терлек продукциясенең сыйфатын тәэмин итү, ветеринар күзәтчелек, республика территориясенә куркыныч авырулар кертмәү кебек чаралар күрелде.

Татарстан Премьер-министры Алексей Песошин, бүген 12 декабрь - Россия Конституциясе көнендә, галимнәргә, табибларга, мәдәният хезмәткәрләре һәм Татарстан предприятиеләре хезмәткәрләренә медальләр, исемнәр, мактау грамоталары бирде.

#Баш ветеринария идарәсе #алмаз хисаметдинов

Сәхифәләр

Баш ветеринария идарәсе җитәкчесе мактаулы исемгә лаек булды