Баш табибларга «Халык контроле» системасында шикаятьләрне контрольдә тоту йөкләнде
«Сырхауханәләр һәм хастаханәләр» категориясендә мөрәҗәгатьләр кимегән.
(Казан, 24 гыйнвар, «Татар-информ», Гөлнар Гарифуллина). Дәвалау учреждениеләре җитәкчеләре «Халык контроле» системасында медицина өлкәсенә караган шикаятьләрне контрольдә тотарга тиешләр. Бу хакта коллегия утырышында Татарстанның сәламәтлек саклау министры Марат Садыйков әйтте.
«Халыктан безнең эшкә бәя «Халык контроле» системасында, шулай ук министрлык каршындагы Иҗтимагый советның бәйсез бәяләмәсендә күренә.«Сырхауханәләр һәм хастаханәләр» категориясендә мөрәҗәгатьләр кимесә дә, медицина ярдәме үтемле булуына шикаятьләр күп кала бирә. Дәвалау учреждениеләре җитәкчеләре «Халык контроле» системасындагы эшне шәхсән контрольдә тотсын», — диде министр.
