Бардада «Xl Ягъфәров укулары», «Барда малае», «Барда кызчыгы» бәйгеләренә йомгак ясалды
Скопировать ссылку
12 март көнне Бардада «Xl Ягъфәров укулары» һәм « Барда малае», «Барда кызчыгы» фестиваль-конкурсларын йомгаклау тантанасы узды. Бу хакта Бөтендөнья татар конгрессы матбугат хезмәте хәбәр итә.
Милләтебезне саклау һәм үстерү өчен болар бик мөһим чаралар. Бу конкурста онлайн режимда Пермь төбәк татарлары бик актив катнашты. Катнашучылар саны 300дән артып китте. Җиңүчеләргә бүләкләр тапшырылды.
Әлеге чаралар Барда районы «Ак калфак» оешмасы, Барда районы мәдәният йорты, Пермь төбәк татарлары Милли мәдәни мохтарияте һәм Барда районы татар һәм башкорт мәдәни үзәге белән берлектә оештырылды, диелә хәбәрдә.