Җәмгыять 15 июль 2026 08:12

Июньдә банклар Татарстан халкына 46,1 мең куллану кредиты биргән

Скопировать ссылку

Банклар июнь аенда Татарстан халкына 46,1 мең куллану кредиты биргән. Май белән чагыштырганда, рәсмиләштерелгән займнар саны 10,7 процентка кимегән, диелә Кредит тарихлары бюросы мәгълүматларында.

Июнь аенда Россия банклары барлыгы 1,89 миллион куллану кредиты биргән. Бу май күрсәткеченнән (әлеге айда 2,11 миллион займ рәсмиләштерелгән) 10,7 процентка кимрәк.

Шул ук вакытта, узган ел белән чагыштырганда үсеш күзәтелгән: 2026 елның июнендә бирелгән куллану кредитлары саны үткән ел белән чагыштырганда 36,4 процентка күбрәк булып чыккан. 2025 елның июнендә банклар 1,38 миллион шундый займ рәсмиләштергән.

Кредит тарихлары бюросында мондый үсешне түбән база эффекты белән аңлаттылар. 2025 елның беренче яртыеллыгында, Россия Банкы акча-кредит сәясәтен катгыйландырганнан соң, куллану кредиты базары шактый кимеде.

Кулланучылар кредитлары бирү күләме буенча Татарстан Россия төбәкләре арасында 11нче урынны били. Иң күп займнарны июньдә Мәскәү халкы рәсмиләштергән – 118,3 мең кредит. Алга таба Мәскәү өлкәсе (99 мең кредит) һәм Краснодар крае (73,5 мең) урнашкан.

Сәхифәләр

Июньдә банклар Татарстан халкына 46,1 мең куллану кредиты биргән