Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Балыкчыларга бозга чыгуны бераз кичектереп торырга киңәш иттеләр
Куркынычсыз калынлыктагы боз кайчан барлыкка киләчәге турында бүген «Татар-информ» матбугат конференциясендә Россия Гадәттән тыш хәлләр министрлыгының Татарстан Республикасы буенча Баш идарәсенең су объектларында кешеләр иминлеге бүлеге начальнигы Регина Гаязова сөйләде.
«Татарстан Республикасының су объектларында боз барлыкка килү процессы башланды. Шул ук вакытта, без балыкчыларның һәм балаларның бозга чыгуын күзәтәбез инде. Әлеге вакытта боз әле формалашмаган, ул әле куркынычсыз түгел», – дип билгеләп үтте ул.
Регина Гаязова боз барлыкка килү процессы берничә фактордан тора: агым тизлеге, сулыкның тирәнлеге һәм җил көче, шулай ук һава температурасы.
«Кече елгаларда һәм күлләрдә боз калынлыгы инде 6 сантиметрга җитә, ләкин тотрыклы салкыннар әлегә юк, бозның структурасы куркынычсызлыкны тәэмин итми. Кышкы балык тотуны яратучыларга мөрәҗәгать итәсем килә: куркыныч бозга чыгуны беразга кичектереп торыгыз», – дип өстәде Россия Гадәттән тыш хәлләр министрлыгының ТР буенча Баш идарәсенең су объектларында кешеләр иминлеге бүлеге начальнигы.
Аның сүзләренчә, әгәр температура тагын бер атна минус 15 градус дәрәҗәсендә торса, шул ук вакытта явым-төшемнәр һәм көчле җил булмаса, Татарстан сулыкларында боз тору тәмамланачак һәм боз җитәрлек калынлык җыячак.
Кызыклы яңалыкларны күзәтеп бару өчен Телеграм-каналга язылыгыз