Балык Бистәсендә яшәүче Миңгалиевлар гаиләсе тавыш бирергә бәйрәмчә киенеп килгән
2414 нче номерлы сайлау участогына тавыш бирүчеләр иртәдән үк килә башлаган.
Скопировать ссылку
(Казан, 1 июль, «Татар-информ», «Авыл офыклары», Гөлназ Зарипова). Балык Бистәсендәге 2414 нче номерлы сайлау участогында шушы сәгатькә кадәр 70 кеше тавыш биргән. Сайлауда районның хөрмәтле кешеләре Мөнир һәм Рәсимә Миңгалиевлар да катнашкан. Бу хакта сайлау комиссиясе рәисе Фәрит Вафин әйтте. Бу турыда район газетасы яза.
Миңгалиевлар гаиләсе илдә барган мөһим вакыйгалардан беркайчан да читтә калмый, һәрбер сайлау кампаниясендә дә үз фикерләрен белдерә. Өлкән яшьтә булуларына да карамастан, бу гаилә тавыш бирүгә бәйрәмчә киенеп һәм яхшы кәефтә килгән, диелә район хәбәрендә.