Балык Бистәсендә этләр көтү көтә
Араларында хәтта терьер токымлылар да шактый
(Казан, 29 сентябрь, “Татар-информ). Балык Бистәсенең беренче гимназиясе укучысы шактый кызыклы фотолар алып килгән. Баксаң, утарларында берничә дистәләгән сарык малы тотучы бу гаиләгә Казанда яшәүче дуслары атна саен диярлек токымлы этләре белән кайтып төшәләр икән. Максатлары – этләрне көтү көтәргә өйрәтү. Араларында Бельгия, Австралия, Германия, Шотландия овчаркалары, хәтта терьер токымлылар да шактый. Әлеге “чабаннар” үз эшләрен үтә дә җаваплы башкаралар икән, дип хәбәр итә “Авыл офыклары” газетасы.