Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Балык Бистәсе челтәрләрен бәйләү серләренә төшендерәчәкләр
Әлеге районда челтәр бәйләү XVI гасырда ук булган
(Казан, 30 апрель, “Татар-информ”). 4 май көнне сәгать 11.00 дә ТР Милли музеенда “Осталарның алтын куллары: татарларның традицион һөнәрчелеге” күргәзмәсе кысаларында, “Балык Бистәсе челтәр бәйләү үрнәкләре” темасына лекция укыла, челтәр үрнәкләре күрсәтелә.
Рус фольклоры үзәгендә 1-5 май көннәрендә үтә торган “Күп парлы һәм санлы челтәрләрнең үрнәге” семинары барышында ТР Милли музее фондында саклана торган XIX гасыр ахыры - XX гасыр башының Балык Бистәсе челтәрләре үрнәкләре тәкъдим ителәчәк.
Музей фондында сакланучы үрнәкләр Балык Бистәсе районында 1920-1930 елларда тупланган булган. Алар арасында “Татшвейпромсоюз” каршындагы “Разнопромысловик” артеле җитештергән әйберләр аеруча да игътибарга лаек.
Әлеге районда челтәр бәйләү XVI гасырда ук булган. Балык Бистәсе осталары бу һөнәргә Россиянең төньяк өлкәләрендә яшәүче челтәр бәйләүчеләрдән өйрәнгән.
4 май көнне булачак лекциядә Балык Бистәсе челтәрләренең тарихы һәм төрле бизәк төшерү технологияләре белән таныштырачаклар, диелә ТР Милли музее матбугат хезмәте хәбәрендә.
Кызыклы яңалыкларны күзәтеп бару өчен Телеграм-каналга язылыгыз