Балтачта кышкы шахмат Спартакиадасы башлана
Скопировать ссылку
Балтач районы шахмат федерациясе бүген, 8 ноябрьдә, ел да федерациянең күчмә кубогы призына үтә торган, тугызынчы кышкы шахмат Спартакиадасын ачып җибәрә. Бу хакта «Хезмәт» сайтында хәбәр ителә.
Ярышлар «Дулкын» бассейнының шахмат бүлмәсендә һәр атнаның чәршәмбе көнендә үтәчәк. Башлана 17:00 сәгатьтә. Ярышларда катнашырга район шахматчылары чакырыла.
Спартакиаданың иганәчесе — «Балтач Агрохимсервис» җәмгыяте.