Балтачта яшь каратистчылар кышын да су коена
Балтачның яшь каратистчылары берничә чакрым араны йөгереп үтеп, Кара күлдә су коенды.
Скопировать ссылку
(Балтач, 6 гыйнвар, "Татар-информ", "Хезмәт", Гөлзидә Газизуллина). Балтач спорткомплексының каратэ-кекусинкай түгәрәгенә йөрүче балалар бернинди авырлыклар, каршылыклар алдында да югалып калмый. Тренерлары Альберт Бәзәгетдинов белән Рифат Зарипов аларны кечкенәдән нык ихтыярлы итеп тәрбияли, дип яза җирле басма.
Яңа ел ялларында да тренировкалар өзелми. Шушы көннәрдә Рифат Зарипов егетләр белән "Сабантуй" ял паркыннан Кара күлгә кадәр араны йөгереп үттеләр, Кара күлдә бәкедә су коендылар, кайнар чәй эчкәннән соң кабат паркка кадәр йөгереп кайттылар.
