Мәдәният 12 сентябрь 2016 19:25

Балтачта “Талантлар иленә сәяхәт” дигән бәйрәмдә катнаштыру өчен талантлар барлыйлар

Яшеренеп яткан җәүһәрләребезне халык белергә тиеш, дип саныйлар чараны оештыручылар.

Скопировать ссылку

(Казан, 12 сентябрь, “Татар-информ”). Балтач районында җырлаучы, биюче, музыкаль уен коралларында уйнаучылар, шигырьләр, әдәби әсәрләр язучы, кул эшләре белән мавыгып, искиткеч сәнгать әсәрләре иҗат итүче кешеләр бихисап күп. “Факел” клубы һәм районның “Хезмәт” газетасы барлык 50 яшьтән өлкәнрәкләрне шушындый күркәм шөгыльләре белән уртаклашырга, халыкка күрсәтергә чакыра, дип игълан итте baltaci.ru.

Катнашырга теләүчеләр 15 сентябрьдән алып 6 октябрьгә кадәр 2-43-77 телефоны аша шалтыратып языла ала, репетицияләргә килү мөмкинлеге дә бар.

7 октябрь көнне “Факел”да “Талантлар иленә сәяхәт” дип аталган бәйрәм кичәсе узачак. Яшеренеп яткан җәүһәрләребезне халык белергә тиеш, диелә язмада.

#Балтач

Сәхифәләр

Балтачта “Талантлар иленә сәяхәт” дигән бәйрәмдә катнаштыру өчен талантлар барлыйлар