Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Балтачта спорт гаиләсе дигән исем өчен көрәш бара
“Хыял” яшьләр үзәгендә “Әти, әни, мин – спорт гаиләсе” дигән уеннарның чираттагы сериясе башланды.
(Балтач, 28 март, “Татар-информ”, “Хезмәт”, Зәлия Фәйзрахманова). Балтачта спорт гаиләсе дигән исем өчен көрәш бара. “Хыял” яшьләр үзәгендә “Әти, әни, мин – спорт гаиләсе” дигән уеннарның чираттагы сериясе башланды. Анда катнашучы гаиләләр җитезлек, көч һәм дуслык ягыннан сынала, дип яза җирле басма.
“Хыял” яшьләр үзәгендә “Әти, әни, мин – спорт гаиләсе” ярыш-уеннары дәвам итә. Соңгы ике уенда “МДСУ-1”дән Гарифуллиннар һәм район үзәк хастаханәсеннән Салихҗановлар гаиләләре катнашты. Ә икенче парда район эчке эшләр бүлегеннән Хөсәеновлар һәм Салавыч авыл җирлегеннән Шәфигуллиннар үзара көч сынашты. Бадминтон, йөгерү, дартс, күңелле стартлар һәр ике командадан да җиңүчеләрне билгеләргә мөмкинлек бирде. Финалга Салихҗановлар һәм Хөсәеновлар гаиләләре чыкты. Әлеге командалар өчен ярышлар әле төгәлләнмәде, хәзер инде чын спорт гаиләсе булуыңны раслау өчен тагын да тырышырга туры киләчәк.
Кызыклы яңалыкларны күзәтеп бару өчен Телеграм-каналга язылыгыз