Фән һәм мәгариф 27 гыйнвар 2018 03:00

Балтачта полимер балчыктан әвәләргә өйрәнүчеләр арасында җиңүче билгеле булды

23 гыйнвар көнне җиңүчеләр билгеләнеп, аларга бүләкләр тапшырылды, ә инде калган катнашучылар истәлекле һәм файдалы бүләкләргә лаек булдылар.

Скопировать ссылку

(Балтач, 27 гыйнвар, “Татар-информ”, “Хезмәт”, Зәлия Фәйзрахманова). Балтач районы “Факел” яшүсмерләр клубында “Керамик флористика” дип аталучы полимер балчыктан әвәләргә өйрәтү студиясе эшләп килә. Балалар анда бик кызыксынып йөри, дип яза җирле басма.

Яңа ел каникуллары алдыннан әлеге түгәрәктә шөгыльләнүче укучылар арасында конкурс игълан ителгән иде. Бәйгедә җиңү нияте белән янган укучылар үзләренең иҗат җимешләрен конкурска дип җибәреп, җиңүчене билгеләү көнен көттеләр. 23 гыйнвар көнне җиңүчеләр билгеләнеп, аларга бүләкләр тапшырылды, ә инде калган катнашучылар истәлекле һәм файдалы бүләкләргә лаек булдылар.

– Укучылар арасында мондый конкурслар үткәрү аларны киләчәктә тагын да тырышып эшләргә өнди һәм осталыкларын арттыра, – ди җитәкчеләре Әдилә Гарипова.

#Балтач #Хезмәт

Сәхифәләр

Балтачта полимер балчыктан әвәләргә өйрәнүчеләр арасында җиңүче билгеле булды