Фән һәм мәгариф 3 гыйнвар 2018 22:00

Балтачта Норма мәктәбенең 100 еллыгын үткәрделәр

Бәйрәм чарасы мәктәптә башланып, мәдәният йортында дәвам итте.

Скопировать ссылку

(Балтач, 3 гыйнвар, "Татар-информ", "Хезмәт", Ясминә Шәмсетдинова). Балтачта Норма мәктәбенең 100 еллыгын үткәрделәр. Бәйрәм чарасы мәктәптә башланып, мәдәният йортында дәвам итте, дип хәбәр итә район газетасы.

1908 елда авыл мәчете каршында, "Приходская школа" булып яши башлаган, 1917 елдан Совет мәктәбе итеп үзгәртелгән Норма мәктәбенең туган көне дип нәкъ менә соңгы дата алына. Күптән түгел, зурдан кубып, авыл бәйрәме дәрәҗәсенә җиткереп, биредә әлеге йөз еллык юбилейны билгеләп үттеләр. Мәктәптә башланган чара яңартылган мәдәният йортында дәвам итте.

Бирегә илнең төрле почмакларыннан элекке укучылары, укытучылар да кайткан иде, кунаклар да бихисап булды. Сыйныфташлар очрашуы, уртак хатирәләр, хисле чыгышлар... - берничә сәгать барган бәйрәмне бер тында үтәрлек, кабатланмас бер чарага әйләндерде. "Балачакка кайткандай булдык", - дип таралышты алар.

#Балтач #Хезмәт

Сәхифәләр

Балтачта Норма мәктәбенең 100 еллыгын үткәрделәр