Спорт 6 декабрь 2017 06:00

Балтачта каратэ-кекусинкай елдан-ел популярлаша

1998 елда Альберт Бәзәгетдинов инициативасы белән Бөрбаш авылында каратэ сәнгатенә өйрәтү буенча беренче төркем ачылган иде.

Скопировать ссылку

(Балтач, 6 декабрь, “Татар-информ”, “Хезмәт”, Гөлзидә Газизуллина). Балтачта каратэ-кекусинкай елдан-ел популярлаша.1998 елда Альберт Бәзәгетдинов инициативасы белән Бөрбаш авылында каратэ сәнгатенә өйрәтү буенча беренче төркем ачылган иде, дип яза җирле басма.

Соңрак бу спорт төре районны ук колачлады. Бүгенге көндә каратэ белән 40тан артык кеше шөгыльләнә. Альберт Бәзәгетдинов белән Рифат Зарипов балаларны һәм яшьләрне әлеге спорт төренә өйрәтүдә көчләрен дә, вакытларын да жәлләмиләр. Үз үрнәкләрендә улларында да каратэга мәхәббәт тәрбияли алдылар. Альбертның улы Әмир, Рифатның уллары Якуб, Салих, Хәйдәр, ә Александр Пронинның кызы Ника каратэ белән шөгыльләнә һәм зур җиңүләр яулый.

Шунысын да әйтеп узарга кирәк, 16 ел рәттән Каракүлдә Рәсәй күләмендә “Киокушин сугышчылары” җыены уза. Бирегә Рәсәйнең бөтен төбәкләреннән спортчылар җыела.
8 - 10 декабрь көннәрендә Казан шәһәрендә кекусинкай-каратэ буенча Россия беренчелеге һәм чемпионаты уза. Биредә балтачлылар да көч сынашачак.

#Балтач #Хезмәт

Сәхифәләр

Балтачта каратэ-кекусинкай елдан-ел популярлаша